Ramush Haradinaj me një dedikim emocional për vëllaun e tij që i humbi jetën në një atentat në Deçan

Kryeministri i Kosovës, Ramush Haradinaj, e ka përkujtuar vëllain e tij të ndjerë, Enver Haradinajn. Në përvjetorin e vrasjes së tij, kryeministri Haradinaj është shprehur se vëllai i tij triumfoi në luftë e u nda nga jeta në liri.“Shumë i ri u përballe me luftën dhe plagët e shumta që sjell ajo. Edhe pse dole triumfues nga lufta, u ndave nga ne padrejtësisht në liri. Përjetësisht, Ramushi”, ka shkruar kryeministri.

24 vjeçari Enver Haradinaj, ish luftëtar i UÇK-së u vra të premten e kaluar nga persona të panjohur, në rrugën Pejë- Deçan.Hetimet për këtë vrasje tashmë janë mbyllur pas pesë muajve nga vrasja. Sidoqoftë, dorasi i vëllait të Ramush Haradinajt vazhdon të mbetet i pazbuluar.

Vrasja e Enver Haradinajt, ndodhi në prill të vitit 2005 rreth orës 14.55 minuta, në afërsi të fshatit Raushiq, në magjistralen Pejë-Deçan. Kjo ishte vdekja e tretë në këtë familje. Dy vëllezër të familjes Haradinaj janë vrarë gjatë luftës (Shkëlzen dhe Luan Haradinaj), ndërkaq dy të tjerë në kohën kur u vra Enveri gjendeshin në qelitë e burgut, njëri i arrestuar me akuzë të Tribunalit të Hagës për krime lufte, ish-kryeministri Ramush Haradinaj dhe tjetri, Daut Haradinaj atëkohë i dënuar me 5 vjet e gjysmë burg po ashtu për krime lufte.